Вясковыя традыцыі. Каляды
Так павялося з даўніх пор, што ў ноч з 6 на 7 студзеня жыхары вёскі Літвінавічы адзначаюць адно з галоўнейшых хрысціянскіх свят - свята наражэння Іісуса Хрыста, а ў народзе проста - Каляды.
Менавіта ў гэтую ноч нашыя продкі варажылі на светлую будучыню або на жаніцьбу, хадзілі з музыкай, песнямі, танцамі па дварах і ўслаўлялі нараджэнне Іісуса Хрыста. Здаецца гэтыя традыцыі пачалі адыходзіць у мінулае, хтосьці да канца не разумее сутнасці свята, некаторыя яго увогуле не адзначаюць.
Якое шчасце, што вясковая моладзь не забывае сваіх каранёў. У вечары, 6 студзеня, вучні дзяржаўнай установы адукацыі "Літвінавіцкая сярэдняя школа Кармянскага раёна" разам з загадчыкам дзяржаўнай установы культуры "Літвінавіцкі сельскі дом культуры" Чэчыкавай Н.У., пераапрануўшыся ў валачобнікаў, віншавалі ўсіх жыхароў вёскі з надыходзячым святам. Вясёлыя песні, танцы, гумар нікога не пакінулі абыякавым. Жыхары вёскі шчодра адорвалі калядоўшчыкаў рознымі прысмакамі.
Спадзяемся на далейшае супрацоўніцтва ў адраджэнні беларускіх традыцый.
